काठमाडौं, २७ कार्तिक ।
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ अस्पताल भर्ना भएका छन् । बिहानदेखि स्वास्थ्यमा समस्या आएपछि उनी मेडिसिटी अस्पताल भर्ना भएको प्रचण्डको सचिवालयले जनाएको छ ।
अचानक रक्तचाप बढेपछि उनी बिहानदेखि चिकित्सकको निगरानीमा खुमलटारस्थित घरमै आराममा थिए । रक्तचाप नियन्त्रणमा नआएपछि थप चेकजाँच गर्न उनलाई अस्पताल लगिएको हो ।
महत्तरीमा जाने कार्यक्रम तय भएपनि स्वास्थ्यमा अचानक समस्या देखिएपछि कार्यक्रम स्थगित भएको स्रोतले जानकारी दियो ।शनिबार महत्तरीको रामगोपालपुर नगरपालिकाले आयोजना गरेको कार्यक्रममा प्रचण्ड आउने कार्यतालिका थियो।
