धनगढी,६ पुस ।
कञ्चनपुरमा लागुऔषधसहित तीन जना पक्राउ परेका छन्। सुदूरपश्चिम प्रदेश प्रहरी बल नेपाल नं ३५ गण हेडक्वाटर शैलेश्वरी मातहत फर्वाड बेश कार्गिलडाँडाबाट खटिएको टोलीले १३ ट्याबलेट नाइट्रोभेट-१० नामक लागुऔषधसहित तीन जनालाई पक्राउ गरेको हो।
प्रहरीका अनुसार पक्राउ पर्नेमा जिल्लाको लालझाडी गाउँपालिका -१ बिनाबारीका अन्दाजी १९ वर्षीय अनिल राना, २० वर्षीय रविन्द्र बडायक र २३ वर्षीय नरेश राना रहेका छन्।
उनीहरुलाई भारतबाट नेपालतर्फ आउँदै गर्दा पुनर्वास नगरपालिका ४ कार्गिलडाँडाबाट पक्राउ गरिएको हो। उनीहरु सवार से३प ७५२५ नम्बरको मोटरसाइकल, मोबाइल ३ थान, लागुऔषधसहित तीनै जनालाई इलाका प्रहररी कार्यालय त्रिभुवनबस्ति बुझाइएको प्रहररीले जनाएको छ।
