डोटीको जोरायल गाउँपालिकाकामा रहेको जोरायल बचत तथा ऋण सहकारी संस्थाको १९ औँ साधारण सभा कार्यक्रम सम्पन्न भएको छ । रामपुर नमुना माध्यमिक विद्यालयमा सहकारी संस्थाको साधारण सभा कार्यक्रम सम्पन्न भएको हो ।
संस्थाका अध्यक्ष लालबहादुर मल्लको अध्यक्षतामा सम्पन्न साधारण सभा कार्यक्रममा जोरायल गाउँपालिकाका अध्यक्ष दुर्गा दत्त ओझा प्रमुख अतिथि रहनुभएको थियो । वडा नं। २ का अध्यक्ष मान बहादुर मल्ल, विभिन्न राजनीतिक दलका प्रमुख तथा प्रतिनिधिहरू सहित संस्थाका शेयर सदस्यहरूको उपस्थिति रहेको थियो ।
संस्थाका अध्यक्ष मल्लले अहिलेसम्म संस्थामा २ सय भन्दा बढी सदस्य रहेका र शेयर पुँजी मात्र २ करोड रुपैयाँ भन्दा बढी रहेको वार्षिक प्रतिवेदन बाट उल्लेख गर्नुभएको थियो । साधारण सभा कार्यक्रममा जोरायल गाउँपालिकाका अध्यक्ष दुर्गा दत्त ओझाले गाउँपालिका भित्रका विपन्न परिवारलाई ऋण प्रवाह गरी नयाँ कामको थालनी गर्न उल्लेखनीय सहयोग गरेको बताउँदै सहकारी संस्थालाई धन्यवाद समेत दिनुभएको थियो ।
साधारण सभाको कार्यक्रममै बचत गर्ने तथा समयमै ऋण चुक्ता गर्ने शेयर सदस्यहरूलाई प्रमाण पत्र सहित धन्यवाद ज्ञापनका साथ सहकारीले सम्मानित समेत गरेको छ ।
