डडेल्धुरा ,,डडेल्धुराको अमरगढी नगरपालिकाले मुक्त हलिया समुदायका परिवारहरुलाई घर हस्तान्तरण गरेको छ ।
१३ औँ मुक्त हलिया दिवसको अवसरमा मुक्त हलियाका लागि निर्माण गरिएका घरहरु नगरपालिकाले हस्तान्तरण गरेको अमरगढी नगरपालिकाका नगर प्रमुख विश्वेश्वर प्रसाद ओझाले बताए ।
अमरगढी नगरपालिकाले २६ जना मुक्त हलियाका लागि करिब ७५ लाख रुपिँया लगानी गरि घर निर्माण, घर मर्मत तथा जमिन खरिद कार्य गरि मुक्त हलियाहरुको पुर्नस्थापनालाई अगाडी बढाएको नगर प्रमुख ओझाले जानकारी दिए ।
अमरगढी नगरपालिकाले २६ हलिया परिवार मध्ये १७ जनाको घर मर्मत, ६ जनाको जमिन खरिद र २ जनाको घर निर्माण गरि मुक्त हलियाहरुलाई हस्तान्तरण गरेको छ ।