धनगढी, १८ माघ । नेकपा (एमाले) को विद्यार्थी संगठन अनेरास्ववियूले सुदूरपश्चिम प्रदेशको आन्तरिक मामिला तथा कानुन मन्त्रालय मन्त्रालय अगाडी कालो झण्डा सहित प्रदर्शन गरेको छ ।
आन्तरीक मामिला तथा कानुन मन्त्रालय मन्त्रालयको कार्यालय रहेको धनगढी स्थित पार्क चोक अगाडी पुगेर उनिहरुले कालो झण्डा सहित प्रदर्शन गरेका हुन ।
उनीहरूले ‘स्थानीय तहको निर्वाचन मिति तत्काल घोषणा गर’ भन्दै नाराबाजी समेत गरेका थिए । मन्त्रलाय अगाढी उनिहरुले सरकारले जन अपेक्षा अनुसार काम गर्न नसेको भन्दै सरकार बिरुद्ध नारा वाजी समेत गरेका थिए ।
एमालेले संविधान र वर्तमान कानुनबमोजिम नै स्थानीय तहको निर्वाचन हुनुपर्ने बताउँदै आएको छ भने सत्ता गठबन्धनले जेठभित्र स्थानीय तहको निर्वाचन गर्ने सहमति गरेको छ ।
जेठमा स्थानीय निर्वाचन गर्दा वर्तमान स्थानीय तहको निर्वाचन ऐनमा संशोधन गर्नुपर्ने हुन्छ । गठबन्धन र सरकार भने ऐन संशोधनको तयारीमा जुटेका छन् ।